دانلود مداحی گینه اورک داریخیر یار و همدم آختاریرام از حاج مهدی رسولی

متن مداحی گینه اورک داریخیر یار و همدم آختاریرام (روضه) از مهدی رسولی

گینه اورک داریخیر یار و همدم آختاریرام ...
واریمدی قلبیده بیر یاره مرهم آختاریرام ...
صفای عالم امکانیدن عُدول ائدورم ...
فنا جهاندا فقط دردیلن غم آختاریرام ...
نه انجُم و نه مَه و آفتابی بسله میشم ...
نه شاهیلر کرمین من ، نه حاتم آختاریرام ...
نه یوسف آختاریرام کوینگیندن عطرین آلام ...
نه قلب پر غم یعقوبه مَحرم آختاریرام ...
نه اسمعیل و نه یحییٰ نه جعفر طیّار ...
نه هاجریله نه سارا نه مریم آختاریرام ...
نه شوکت آختاریرام من نه عزّتیله نه جاه ...
نه منصب و نه جلال مُفخّم آختاریرام ...
گلن گئدن سوروشور حال زاریمی دیورم ...
یانیقلی قلبیله حالِ محرّم آختاریرام ...
قاپی قاپی گزورم هر بلاد و بازاری ...
حسینین عاشقیَم قاره پرچم آختاریرام ...
نه سلسبیل و نه کوثر نه زمزم ایستیورم ...
فراتی خوشلامیشام قانلی علقم آختاریرام ...
او یئرکی دوشدی ابوالفضل توپراقا آتدان ...
همان اویرده حسین قامتین خم آختاریرام ...
گوروم بو عالمی ویران اولیدی ...
نه بو ماتم نه بو افغان اولیدی ...
نه عاشورا اولیدی نه محرم ...
نه خرگاه حسین تالان اولیدی ...
فراتین یولاری نه باغلانیدی ...
نه اولاد علی عطشان اولیدی ...
علی اصغر سوسوزدان ...
صولیدی گل کیمی خندان اولیدی ...
نه ظلمیله علی اکبر ئولیدی ...
نه نعشی زینت میدان اولیدی ...
علمدارین نه قولاری دوشیدی ...
نه سوتک مشکینه القان اولیدی ...
نه ظلمیله حسین آتدان دوشیدی ...
نه عرش کبریا لرزان اولیدی ...
نه لشکر سینه سینده آت چاپیدی ...
نه اوچ گون پیکری عریان اولیدی ...