دانلود مداحی قارداش سارالان رنگیوه قرباندی از حاج مهدی رسولی

متن نوحه

قارداش سارالان رنگیوه قربان بو نَه یِردی
یاندورما منی اِیلَمَه افغان بو نَه یِردی

برجک بو بلالی چولَه توکدون یوزه قان یاش
رنگین سارالوب سولدی اُلِیدی باجون ای کاش
قربان اولوم آغلار گوزیوَه آغلاما قارداش
حالون نیَه پوزقوندی حسین جان بو نَه یِردی
یاندورما منی اِیلَمَه افغان بو نَه یِردی

قویجان قدمون بو یِرَه، پژمرده دل اولدون
نولدی سنه قارداش که ساری گُل کیمی سولدون
گورسندی یوزومده اُلوم آثاری پوزولدون
ای عزّت گلزار و گلستان بو نَه یِردی
یاندورما منی اِیلَمَه افغان بو نَه یِردی

بو سرسرِ محنت تَه ائیدی غم یولین آچدی
قوندی یوزیوه تیر مصیبت دِلَه ساچدی
قربان سارالان رنگیوه، رنگون نیَه قاچدی
آثار خزان اولدی نمایان بو نَه یِردی
یاندورما منی اِیلَمَه افغان بو نَه یِردی

اوّل دولانوب یاور و انصاریوَه باخدون
دولدی گوزون عبّاسِ علمداریوه باخدون
بیر زینبه بیر خیرداجا قیزلاریوه باخدون
اولدون نیَه چوخ حالی پریشان بو نه یِردی

قربانون اولوم قیل منی بو سرّیدن آگاه
علّت ندی سرلشکره امر ایلدون ای شاه
قورسونلا چوخور یِرده بیزَه خیمه و خرگاه
سرّین بو سوزین ایلَمَه کتمان بو نَه یِردی

بو یِر گَتورور قلبیمی درده آنام اوغلی
وردور ما سرا پرده بو یرده آنام اوغلی
توکمه دُرِ اشکون رخ زرده آنام اوغلی
ایتمه منی دل خسته و گریان بو نه یِردی

یوخسا بو همان مرکز ایفای وفادی
بو دشتیده لیلانون ایشی وا وَلَدادی
واضح دی گوروم یوخسا بو یِر کرب و بلادی
اکبر اولاجاق قانیله غلطان بو نَه یِردی

یارالی قارداش...